اهلا وسهلا بكم في منتديات أصحاب توب ، نرجو التكرم بالتسجيل او الدخول


for all guys on the world : top & top & top
 
الرئيسيةاليوميةس .و .جبحـثالأعضاءالمجموعاتالتسجيلدخول

شاطر | 
 

 قصة حقيقة حصلت بالقرب من جرش

اذهب الى الأسفل 
كاتب الموضوعرسالة
mohammad death priest

avatar

عدد المساهمات : 878
نقاط : 1020
تاريخ التسجيل : 22/04/2010
العمر : 23
الموقع : طارق - حي الشهيد الشمالي

مُساهمةموضوع: قصة حقيقة حصلت بالقرب من جرش   الخميس أغسطس 12, 2010 1:05 pm

بحب أحكيلكم قصة حقيقية صارت بمكان قريب من جرش اسمو مخيم سوف ....

وهاي القصة سمعتها من كتير ناس بجرش ... لاني كنت عايش هناك لمدة شهرين Wink

وهي كالتالي :

كان في شوفير تاكسي ماشي بالطريق وقت العصر , وكان رايح على بيتو بهالوقت ....

وعلى طريق بيتو كان في مقبرة ... وهي المقبرة الي اندفن فيها خالي وجدتي الله يرحمهم ..

روح على بيتو وأخد شوية أكل وراح يكمل يومو , بعد هيك صار بمكان بعيد عن البيت , وهو ماشي فجأة وقفت بنت عمرها يتراوح ما بين الـ 19 والـ20 في الطريق وطلبت منو يوصلها لبيتها لانو بعيد وما في تكاسي قريبة إلا عالشارع الرئيسي .., حزن الرجل على البنت لانو الجو كان بارد وصعب عليها تمشي بالبرد مسافة بعيدة ...
وبعد ما ركبت معو ضلو يحكو طول الطريق ... , وطلبت البنت منو طلب بخجل .. وهو انها بردانه وبدها تتدفا بأي اشي , فأعطاها الجاكيت تاعو وحكتلو انها رح ترجعلو ياه بس توصل البيت ....
وبعد نص ساعة وصلو البيت تاع البنت , والبيت بكون مجاور للمقبرة ..
نزلت البنت وحكتلو انها رايحة تجيب المصاري وترجعلو الجاكيت بس ترجع ..
ضل الشوفير يستنى بالبنت لمدة أكتر من نص ساعة وما اجت , لدرجة انو شك بانها كذبت عليه وما بدها تدفع المصاري ...
نزل الشوفير من سيارتو لانو تأخر كتير وراح دق على باب البيت الي دخلت فيه البنت ...
فتح الباب عجوز كبير بالسن وتفاجأ انو جاي عندو ضيف , وطلب من الشوفير يدخل عندو يشرب أي اشي بكل معاني الرجاء ..
دخل الرجل إلى البيت وحكى قصتو للعجوز !!
استغرب العجوز انو في حدا دخل عالبيت وهو ما عرف !! وحاول يبرر للرجل انو ما عندو أي شخص يسكن بالبيت وبإنو زوجتو وبنتو ماتو قبل مدة بحادث سيارة ودفنو بالمقبرة المجاورة ....
ولكن الرجل ما صدق الكلام وطلب انو يفتش البيت ... وفعلا فتش البيت بس تفاجأ انو وجد صورة البنت الي ركبت معو موجودة بالبيت , فحكى للعجوز انو هاي البنت هي الي ركبت معي !!!
أصيب العجوز بصدمة لدرجة انو كاد يموت من شدتها ... وبعدها حكى العجوز انو هاي البنت هي بنتو وماتت قبل سنتين هي وأمها وطبعا ممكن يكون الي ركب معك جن متشكل على شكل بنتي فريدة وانتا مو عارف ... أكثر من ذكر الله يا ابني لانو المكان قريب من مقبرة , يعني من الطبيعي انو تصير أشياء غريبة حوليها ..
وبعد أن استعاد العجوز عافيته راحو على قبر البنت الموجود بنفس المقبرة , والغريب انهم وجدو المصاري والجاكيت محطوطين على القبر !!؟!!

مو متأكد انو القصة حقيقية Wink بس هاي القصة معروفة والكل كان يحكيلي انها صحيحة وصارت قبل أكتر من 15 سنة ....

بس يلا مو فارقة , اعتبروها قصة مصورة أو قصة خيالية ..... study
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
عاشقة الجنة

avatar

عدد المساهمات : 767
نقاط : 959
تاريخ التسجيل : 14/05/2010

مُساهمةموضوع: رد: قصة حقيقة حصلت بالقرب من جرش   الخميس أغسطس 12, 2010 10:47 pm

مو املاحظ انك امبلش فينا قصص مرعبه
أكيد هاد الحكي خطأ
خلينا نعرف انام الليله
ومشكوووووور على الطرح
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
mohammad death priest

avatar

عدد المساهمات : 878
نقاط : 1020
تاريخ التسجيل : 22/04/2010
العمر : 23
الموقع : طارق - حي الشهيد الشمالي

مُساهمةموضوع: رد: قصة حقيقة حصلت بالقرب من جرش   الجمعة أغسطس 13, 2010 12:23 am

له له له tongue أنا مبلش فيكو قصص مرعبة ؟؟؟

خلص الي جاي عبالو يخاف أنا ما الي دخل ...... What a Face

ومشكور عمرورك Surprised
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
قصة حقيقة حصلت بالقرب من جرش
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
 :: المنتديات العلمية و الثقافية :: ما وراء الطبيعة-
انتقل الى: